Xitoy Shanghai Spacesail Technologies kompaniyasining qutb orbitasida harakatlanuvchi SpaceSail aloqa sun’iy yo‘ldoshlarining to‘qqizinchi guruhini muvaffaqiyatli uchirdi.
Bu haqda Xinhua axborot agentligi xabar bermoqda.
18 ta internet sun’iy yo‘ldoshi yakshanba kuni kechqurun Xaynan provinsiyasining janubidagi Venchan sun’iy yo‘ldosh uchirish markazidagi tijorat platformasidan SZ-8 (Uzoq marsh-8) uchirish moslamasi yordamida uchirildi.
Keyingi avlod suyuq yoqilg‘ida ishlaydigan, uch bosqichli SZ-8 raketasining diametri 4 metr bo‘lib, uzunligi 50 metrni tashkil qiladi. U Yerning past orbitasiga 7,6 tonnagacha foydali yukni (yoki geostasionar uzatish orbitasiga 2,5 tonnagacha) joylashtirishga qodir.
Bu keng polosali internet xizmatlarini ko‘rsatish uchun mo‘ljallangan Spacesail Constellation orbital guruhiga qo‘shilgan to‘qqizinchi sun’iy yo‘ldoshlar guruhidir. Hozirda orbitada 162 ta shunday sun’iy yo‘ldosh mavjud.
Yana bir davlat Eronga maxfiy ravishda hujum uyushtirgan
Harbiy qo‘mondonlik Putinni Rossiya armiyasi kuzgacha butun Donbassni egallashiga ishontirdi
O‘zbekistonning 9 ta viloyatida sel xavfi e’lon qilindi
