Xitoy Ukrainaga tinchlikparvar kuchlarini yuborish imkoniyati haqida izoh berishdan bosh tortdi

"Biz faraziy vaziyatlar haqidagi savollarga izoh bermaymiz," — deya ta’kidladi Xitoy tashqi ishlar vazirligi vakili Go Szyakun.

Uning qayd etishicha, Pekin urushni muzokaralar yo‘li bilan hal qilish tarafdori bo‘lib qolmoqda.

Avvalroq The Economist nashri Tramp Ukraina va Yevropaga aloqador bo‘lmagan davlatlar, jumladan, Braziliya va Xitoydan ham tinchlikparvar kuchlarini yuborishni taklif qilayotgani haqida xabar bergan edi. Rossiya Ukrainada Yevropa tinchlikparvar kuchlarni joylashtirilishga qarshiligini bildirgan.