Xitoy "Tesla"ni "narxlar urushini" to‘xtatishga chaqirdi

Elektromobil ishlab chiqaruvchi Tesla Xitoy bozorida katta chegirmalar taklif qilmoqda va bu sodir bo‘layotgan voqealarni "narxlar urushi" deb hisoblaydigan mahalliy kompaniyalarni xavotirga solmoqda, deb yozadi Bloomberg.

Xitoy avtomobil ishlab chiqaruvchilar assosiasiyasi (CAAM) raqobatchini agressiv savdo siyosatidan voz kechishga chaqirdi. Uning fikriga ko‘ra, chegirmalar sotishning pasayishi va zaxiralarni yig‘ish muammosiga uzoq muddatli yechim emas. Tashkilotning ta’kidlashicha, sanoat sog‘lom rivojlanishini ta’minlash uchun normal ishlashga qaytishi kerak.

2022 yil oktabr oyida Ilon Mask kompaniyasi Shanxaydagi zavodda ishlab chiqarilgan bir qator modellar narxini pasaytirdi. 2023 yil yanvar oyida chegirmalarning yana bir to‘lqini vaziyatni yanada og‘irlashtirdi. Natijada Xitoyda ishlab chiqarilgan Tesla avtomobillari o‘tgan yilga nisbatan 14 foizga, AQSh va Yevropadagiga qaraganda qariyb 50 foizga arzonroq bo‘ldi.

Qarorlar Xpeng va Nio kabi mahalliy elektromobil ishlab chiqaruvchilarni, shuningdek, Volkswagen va Mercedes-Benz kabi yetakchi xalqaro brendlarni mijozlarga 70 000 yuan (10 000 AQSh dollari) gacha chegirmalar taqdim etishga majbur qildi. Ford kompaniyasining Mach-E elektr yo‘ltanlamas avtomobilining boshlang‘ich narxi 209 900 yuanga tushdi, bu AQShdagidan deyarli uchdan bir baravar arzon. Bloomberg taxminlariga ko‘ra, kamida 30 ta boshqa avtomobil ishlab chiqaruvchilar narxlarni pasaytirgan.