AQSh razvedkasi ma’lumotlariga ko‘ra, Xitoy yaqin haftalar ichida Eronga yangi Havo hujumidan mudofaa tizimlarini yetkazib berishni rejalashtirmoqda.
Bu haqda Reuters agentligi razvedka hisobotlari bilan tanish bo‘lgan uchta manbaga tayanib xabar berdi.
Manbalarning ta’kidlashicha, Pekin qurollarning kelib chiqishini yashirish maqsadida ko‘chma zenit-raketa majmualarini uchinchi davlatlar orqali yuborishi mumkin. Qo‘shma Shtatlar Davlat departamenti, Oq uy va Xitoyning Vashingtondagi elchixonasi hozircha ushbu ma’lumotga rasmiy munosabat bildirmadi.
Tramp va Pokiston rasmiylari Xitoyning Eronni o‘t ochishni to‘xtatish bo‘yicha dastlabki kelishuvga undashda yordam berganini tasdiqlagan bo‘lsa-da, Pekin diplomatik kafil sifatida mas’uliyatni o‘z zimmasiga olishga shoshilmayapti. Xitoy elchixonasi vakili faqatgina "mas’uliyatli yirik davlat sifatida Pekin keskinlikni yumshatish uchun konstruktiv rol o‘ynashda davom etishini" ma’lum qildi.
Tehronda Oliy rahbar vafoti munosabati bilan katta motam marosimi bo‘lib o‘tmoqda
Shimoliy Koreya Erondan uzoqlashishni boshladi — razvedka
Eronning «ishtihasi» ortib bormoqda
