Pekinda Xitoy raisi Si Jinpin va Tayvanning muxolifatdagi "Gomindan" partiyasi raisi Chen Li-vun o‘rtasida so‘nggi o‘n yillikdagi ilk tarixiy uchrashuv bo‘lib o‘tdi. Muloqot chog‘ida Si Jinpin Tayvan bo‘g‘ozining ikki tomonidagi aholi yagona xitoy xalqi ekanini va ular tinchlik istashini ta’kidladi.
O‘z navbatida, Chen Li-vun o‘zini xitoylik deb hisoblashni tabiiy holat deya atab, Tayvan nizolar o‘chog‘i emas, balki tinchlik ramziga aylanishi kerakligini bildirdi. U hatto 2028 yilgi saylovlarda g‘alaba qozongan taqdirda, Si Jinpinni Tayvanga taklif qilish niyatida ekanini ma’lum qildi.
Biroq bu tashrif Tayvanning o‘zida keskin e’tirozlarga sabab bo‘ldi. Tanqidchilar Chenni Pekinga haddan tashqari yaqinlashishda ayblamoqda, chunki so‘rovnomalarga ko‘ra, orol aholisining aksariyati o‘zini xitoylik emas, balki alohida tayvanlik deb hisoblaydi.
Ekspertlarning fikricha, Pekin ushbu uchrashuv orqali kelasi oy bo‘lib o‘tadigan Si Jinpin va Donald Tramp sammiti oldidan siyosiy ustunlikka ega bo‘lishni ko‘zlagan. Xususan, Xitoy ushbu "tinchlikparvar" muhitdan foydalanib, Qo‘shma Shtatlarning Tayvanga qurol yetkazib berish borasidagi pozisiyasini yumshatishga harakat qilishi mumkin. Ushbu sammit avvalroq Yaqin Sharqdagi urush sababli kechiktirilgan edi.
Tehronda Oliy rahbar vafoti munosabati bilan katta motam marosimi bo‘lib o‘tmoqda
Eron Trampning Ho‘rmuz bo‘g‘ozini ochish bo‘yicha ultimatumiga javob qaytardi
Eron Ho‘rmuz bo‘g‘ozining «kalitlarini yo‘qotib qo‘ydi»
