XAMAS G‘azo bo‘yicha muzokaralarni zudlik bilan boshlashga tayyor ekanligini ma’lum qildi

Falastinning HAMAS harakati vositachilarga G‘azo sektorida o‘t ochishni to‘xtatish bo‘yicha so‘nggi taklifga javob berdi.

Bu haqda "TASS" xabar bermoqda.

"XAMAS vositachilarga o‘z javobini berdi, harakat muhokama qilinayotgan taklifni amalga oshirish bo‘yicha muzokaralarni zudlik bilan boshlashga tayyor", — deyiladi harakatning Telegram-kanalidagi bayonotida. XAMAS o‘z javobi ijobiy ekanini qo‘shimcha qildi, biroq tafsilotlarni keltirmadi.

Strana.co.il Telegram kanali ham XAMASning rasmiy bayonotini e’lon qildi.

"Biz vositachilarning so‘nggi taklifi bo‘yicha Falastin fraksiyalari va harakatlari bilan ichki muhokamalarni ham, maslahatlashuvlarni ham yakunladik. Bizning javobimiz berildi va ijobiy. XAMAS jiddiy munosabat bilan ushbu doiraviy kelishuvni amalga oshirish bo‘yicha muzokaralarning yangi bosqichini darhol boshlashga to‘liq tayyor", deyiladi xabarda.