XAMAS yetakchisi Sami Abu Zuhriyning aytishicha, AQShning falastinliklarning G‘azo sektoridan chiqarib yuborilishi mumkinligi haqidagi takror-takror bayonotlari ularning "Isroil jinoyatlariga doimiy sherikligidan" dalolat beradi.
"Falastinliklarni G‘azodan majburan ko‘chirish loyihalari bema’ni va hech qanday qiymatga ega emas. Bosqinchi Isroil bunga kuch bilan erisha olmadi va siyosiy hiyla-nayrang bilan ham o‘z maqsadlariga erisha olmaydi", — dedi u.
Uning so‘zlariga ko‘ra, Vashingtonning bu rejalar ustida turib olishi "mintaqadagi tartibsizlik va keskinlikni yanada kuchaytiradi" va AQShning falastinliklarning ko‘chirilishi haqidagi ritorikasi Isroilning G‘azodagi jinoyatlariga sherikligini tasdiqlaydi.
Avvalroq AQShning sobiq prezidenti Donald Tramp Iordaniya, Misr va boshqa arab davlatlarini G‘azodan ko‘proq falastinlik qochqinlarni qabul qilishga va ularni maxsus qurilgan turar-joy majmualariga joylashtirishga chaqirgan edi.
Bu chaqiriq Iordaniya, Misr, Arab Ligasi, Islom Hamkorlik Tashkiloti va Birlashgan Millatlar Tashkiloti bunga qarshi chiqishlari bilan kuchli reaksiyaga sabab bo‘ldi.
Tanqidlarga qaramay, Tramp o‘z pozisiyasini yana bir bor takrorlab, Misr va Iordaniya G‘azodan chiqib ketayotgan falastinliklarni qabul qilishga tayyor ekaniga ishonch bildirdi.
Xitoy Ukraina urushiga qo‘shilishi mumkin
15 million so‘mlik maoshli bo‘sh ish o‘rinlari haqida fuqarolar nega ma’lumot ololmayotganiga izoh berildi
Lavrov: Ukrainaga tinchlikparvar kuchlarni kiritish Rossiya bilan to‘g‘ridan-to‘g‘ri urush
