Arab davlatlari birlashdi: Yevropa endi tanlov qarshisida!

Misr Yevropa Ittifoqini G‘azo bo‘yicha arab rejasini qabul qilishga undamoqda.

Qohiradagi Al-Ahram siyosiy va strategik tadqiqotlar markazi mutaxassisi Rabha Seif Allamning ta’kidlashicha, Misr Isroilning vayron qiluvchi urushidan so‘ng G‘azoni qayta tiklash bo‘yicha o‘z taklifiga "keng qo‘llab-quvvatlash" izlamoqda.

"Bu falastinliklarni G‘azodan ko‘chirilishiga qarshi turuvchi keng koalisiya tuzishga urinishdir," - dedi u.

Trampning G‘azoni "egallab olish" va falastinliklarni chiqarib yuborish rejasi allaqachon arab mamlakatlarini qarshilikda birlashtirdi.

Seshanba kuni Qohirada o‘tkazilgan sammitda arab davlatlari rahbarlari G‘azoni qayta tiklash uchun mablag‘ to‘playdigan ishonch jamg‘armasini e’lon qilishdi va xalqaro hamjamiyatni uni qo‘llab-quvvatlashga chaqirishdi.

"Keyingi qadam - bu rejaning Yevropa Ittifoqi va Yaponiya, Rossiya, Xitoy kabi xalqaro tomonlar tomonidan qabul qilinishi orqali xalqaro rejaga aylanishidir," - dedi Misr tashqi ishlar vaziri Badr Abdulatti. "Biz aynan shunga intilamiz va barcha tomonlar, shu jumladan Amerika tomoni bilan ham aloqadamiz."