WSJ: BAA milliardlab dollarlik Eron aktivlarini muzlatib qo‘yishi mumkin

BAA rasmiylari Amirliklarda saqlanayotgan milliardlab dollarlik Eron aktivlarini muzlatib qo‘yishni ko‘rib chiqmoqda.

Bu haqda The Wall Street Journal manbalarga tayanib xabar berdi. Manbalarga ko‘ra, bunday qadam Tehronning xorijiy valyuta va global savdo tarmoqlariga kirishini sezilarli darajada cheklashi mumkin.

BAA Eron aktivlarini qachon muzlatib qo‘yishi mumkinligi hozircha noma’lum. Amirliklar rasmiylari avvalroq sanksiyalar tizimiga amal qilishlarini va global moliya tizimining yaxlitligini himoya qilishga qat’iy sodiq ekanliklarini bildirishgan.

WSJning bir nechta manbalari BAA rasmiylari noqonuniy Eron operasiyalarini cheklash choralarini ham ko‘rib chiqayotganini aniqlashdi. Bularga AQShda joylashgan soyali kompaniyalarning aktivlarini muzlatish, shuningdek, rasmiy bank kanallaridan tashqarida pul o‘tkazish uchun ishlatiladigan mahalliy valyuta birjalariga cheklovlar kiradi. Agar BAA bunday choralarni qo‘llashga qaror qilsa, Islom inqilobi qo‘riqchilari korpusi bilan bog‘liq hisoblar nishonga olinadi, deb qo‘shimcha qilishdi gazeta manbalari.

Moliyaviy sanksiyalardan tashqari, BAA Eronning soyali flotini ishdan chiqarish uchun Eron kemalarini musodara qilishni ham ko‘rib chiqmoqda, deb xabar berdi kommersant.ru.