Bugun 26 may, 2020 yil, seshanba

КИР

Virusologlar koronavirusning butunlay yo‘qolishi ehtimolini baholadi

Virusologlar koronavirusning butunlay yo‘qolishi ehtimolini baholadi

COVID-19 pandemiyasini keltirib chiqargan SARS-CoV-2 koronavirusi katta ehtimol bilan endi Yer yuzidan yo‘qolmaydi, deb yozmoqda «RBK» virusologlar bergan ma’lumotlarga tayanib. Bu haqda "Daryo" yozmoqda.

U mutasiyaga uchrashda davom etmoqda, biroq aynan qaysi tomonga va qanday oqibatlar sari ketayotganini oldindan taxmin qilish juda qiyin. Katta ehtimol bilan u odamlar uchun xavfsizroq bo‘lib boradi, ammo bunday taxmin bilan bir qatorda uning dunyoda tarqalishi jiddiy tahdid tug‘dirishini ham yodda tutish lozim.

Tibbiyot fanlari doktori, virusolog, Rossiya sog‘liqni saqlash vazirligining Gamalei nomidagi Milliy epidemiologiya va mikrobiologiya markazi professori Anatoliy Alshteyn SARS-CoV-2 odam tanasiga moslashib olgani sababli virusning insoniyatdan yo‘qolishi ehtimoli kam, deb baholamoqda.

«U bizni tark etadi, deb o‘ylamayman. U insoniyatga juda yaxshi moslashib oldi, odamlar tanasida yaxshi rivojlanyapti, bizni juda oson kasallayapti. Nega qayergadir ketishi kerak? Taxminimga ko‘ra, u bir-ikki yildan keyin bizdagi nafas olish yo‘llari kasalliklarini keltirib chiqaradigan juda ko‘p viruslar qatoriga qo‘shiladi», — deydi professor.

Uning qo‘shimcha qilishicha, odatda viruslar evolyusiyasida ularning patogenligi pasaya boradi. «Evolyusiya jihatdan shunday viruslar tanlab olinadiki, ular odamni juda yaxshi kasallashi, lekin shu bilan birga, uni o‘ldirmasligi kerak. Bu aksariyat infeksion kasalliklarning juda yaxshi ma’lum bo‘lgan qonuniyatidir», — degan u.

Anatoliy Alshteynning qo‘shimcha qilishicha, virusning kelajagini aniq bashorat qilish juda qiyin. «Ammo shunga qaramay, uning antigen xususiyatlariga ko‘ra u qadar o‘zgaruvchan bo‘lmaydi, deb umid qilaman. Kelajakda SARS-CoV-2 yaxshilanishi dargumon, ammo bu qadar xavfli bo‘lmasligi kerak», — deya so‘zlarini yakunlagan virusolog.

Biologiya fanlari doktori, professor, Rossiya Fanlar akademiyasining muxbir a’zosi, Novosibirsk davlat universiteti tabiiy fanlar fakulteti biotexnologiya va virusologiya laboratoriyasining mudiri Sergey Netyosov ham koronavirus vaqt o‘tib xavfsizroq bo‘lishini taxmin qilgan.

Kiritildi: 15:08 23.05.2020. O'qildi: 3940 marta. Fikrlar soni: 0 ta.
telegram channel
Siz o‘zingizni kuchli shifokor deb o‘ylaysizmi yoki shifokorlik sirlarini bilmoqchimisiz?
http://milliytibbiyot.uz/uz

Bo'limga tegishli qiziqarli xabarlar

Eng ko'p o'qilgan yangilik

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!