Vinisius Junior "Real"ga o‘z talablarini ma’lum qildi

Vinisius Junior "Real" bilan yangi shartnoma bo‘yicha o‘z talablarini ma’lum qildi.

Tomonlar 2027 yilgacha mo‘ljallangan bitimni uzaytirishni muhokama qilmoqda.

«AS» xabariga ko‘ra, Madrid klubi qanot hujumchisining agentlari bilan bog‘lanib, uning qancha maosh olmoqchi ekanini so‘ragan. Braziliyalik talab qilinayotgan summani aytib bo‘lgan, endi futbolchi tomon "Real"dan javob kutmoqda.

Qayd etilishicha, Saudiya Arabistonining taklifi madridliklarni muzokaralarni hozirdan boshlashga majbur qilgan, ammo klub yozgacha bu mavzuni muhokama qilishni rejalashtirmagan.