“Ukrtransnafta” (quvurni Ukrainadagi qismi operatori) ma’lumotlariga ko‘ra, bugun Ukraina tomonida bosimning oshirilishi va “Drujba” neft quvurining to‘ldirilishi boshlangan.
Mazkur quvur orqali neft haydash qayta tiklanishi haqidagi signalni “Ukrtransnafta”dan Vengriyaning MOL kompaniyasi ham oldi. Kompaniya ma’lumotlariga ko‘ra, “Drujba” quvuri orqali xom neftning tranziti tiklangan.
"Slovakiyaga neft haydash va yetkazib berish 23 aprel ertalab qayta tiklanishi kutilmoqda", — deya xabar berdi Slovakiya energetika vaziri Denisa Sakova.
Kuni kecha Ukraina prezidenti Volodimir Zelenskiy Kiyev Yevropa Ittifoqi bilan kelishuvlarga muvofiq, “Drujba” neft quvurining shikastlangan qismini ta’mirlashni yakunlaganini ma’lum qilgandi. Vengriya va Slovakiyaga Rossiya neftini yetkazib berish yanvar oyi oxirida to‘xtatib qo‘yilgan edi.
Italiya OAVlari Makronning Jorja Meloni bilan uchrashuvdagi harakatlarini keskin tanqid qildi
Tehron Eron kemasini qo‘lga olganidan keyin AQSh harbiy kemalariga hujum qildi
Vashington Tehronga taklif berdi
