Angliya Premyer-ligasining 33-turida musobaqa peshqadami “Arsenal”dan 2:1 hisobida ustun kelgan “Manchester Siti” yana chempionlikka erishish imkoniga ega bo‘ldi.
Endi “shaharliklar” har bir uchrashuvda uch ochko uchun o‘ynaydi.
Manchesterliklar navbatdagi turda liga qolish uchun kurashayotgan “Byornli” mehmoni bo‘ladi.
“Manchester Siti” bosh murabbiyi Xosep Gvardiola jamoa yarim himoyachisi Rodri 22 aprel kuni bo‘lib o‘tadigan “Byornli”ga qarshi o‘yinni jarohat sabab o‘tkazib yuborishini tasdiqladi.
Rodri o‘tgan yakshanba kuni “Arsenal”ga qarshi g‘alaba bilan yakunlangan o‘yin so‘ngida shikastlangani bois zaxiraga olingan edi.
Gvardiola hozircha jarohatning qay darajada ekaniga to‘liq ishonch hosil qilmagan, biroq futbolchi kamida yaqindagi bitta o‘yinni o‘tkazib yuboradi.
Murabbiyning so‘zlariga ko‘ra, Rodri ertangi o‘yinga tayyor bo‘lmaydi, keyingi uchrashuvlarda ishtirok etishi esa keyinchalik ma’lum bo‘ladi. Shuningdek, Ruben Diash ham hozircha o‘ynashga tayyor emas.
Gvardiola golda Husanovni aybladi
Peres “Real”dan ketadigan sakkiz futbolchini aniq ko‘rsatdi. Ro‘yxat yana kengayishi mumkin
Gvardiola: «Iltimos, uni maqtashni to‘xtating»
