Aleksandr Lukashenko ishonch reytingida birinchi o‘rinni egalladi

Aleksandr Lukashenko rossiyaliklarning postsovet davlatlari rahbarlariga bo‘lgan ishonch reytingida birinchi o‘rinni egalladi.

Bu haqda Butunrossiya jamoatchilik fikrini o‘rganish markazi o‘tkazgan so‘rovnoma natijalaridan kelib chiqib ma’lum qilmoqda. Belarus prezidentiga respondentlarning 75 foizi ishonch bildirgan.

Ikkinchi o‘rinni katta farq bilan Qozog‘iston rahbari Qosim-Jo‘mart To‘qayev (25%) egallagan. Reytingda undan keyingi o‘rinlardan O‘zbekiston prezidenti Shavkat Mirziyoyev (8%) va Armaniston bosh vaziri Nikol Pashinyan (7%) joy olgan.

Belarus yetakchisiga eng katta xayrixohlikni katta yoshdagi rossiyaliklar ko‘rsatmoqda: "iliqlik davri avlodi" (1947 yilgacha tug‘ilganlar) orasida unga so‘rovda qatnashganlarning 93 foizi ishonch bildirgan (1992–2000 yillarda tug‘ilganlar orasida esa bu ko‘rsatkich 60%). Evaziga, "raqamli avlod" yoshlari (2001 yil va undan keyin tug‘ilganlar) ko‘proq Nikol Pashinyanni hurmat qilishadi (yoshi kattalar orasidagi 1 foizga qarshi yoshlarda 16%), deyiladi so‘rovnoma markazi bayonotida.