O‘zbekistonda imkoniyati cheklangan o‘quvchilar uchun ijtimoiy taksi xizmati yo‘lga qo‘yildi

O‘zbekistonda imkoniyati cheklangan o‘quvchilar uchun ijtimoiy taksi xizmati yo‘lga qo‘yildi

Loyiha imkoniyati cheklangan o‘quvchilarga taksi orqali o‘quv muassasasiga xavfsiz va qulay tarzda qatnash imkonini beradi.

💰 Transport xarajatlari davlat tomonidan qoplab beriladi — har bir bola uchun oyiga BHMning 1,2 barobari (450 ming so‘m) miqdorida. Imtiyoz shartiga qarab, yo‘l haqining 60 yoki 100 foizi qoplanishi mumkin.

🚕 Buyurtmalar Yandex Go mobil ilovasi orqali amalga oshiriladi va ular "Komfort" tarifida bajariladi. Taksi chaqirishda maxsus imkoniyatlar mavjud — masalan, "Men nogironlar aravachasida bo‘laman" yoki "Mashinani topishda yordam kerak" kabi. Bunday holatlarda haydovchiga maxsus xabar yuboriladi va u yordamga tayyor bo‘ladi.

❌Yandex Go bunday xizmatlar uchun komissiya olmaydi: davlat tomonidan to‘lanadigan barcha mablag‘lar to‘g‘ridan-to‘g‘ri haydovchilarga beriladi.

Toshkent, Samarqand va Andijon shaharlarida ishga tushgan loyiha Ijtimoiy himoya milliy agentligi hamda Yandex Uzbekistan hamkorligida amalga oshirilmoqda.