Bugun, 6 may holatiga ko‘ra, O‘zbekistonda 60 nafar Ikkinchi jahon urushi faxriysi va ularga tenglashtirilgan shaxslar istiqomat qilmoqda.
Mudofaa vazirligining ma’lum qilishicha, ularning 14 nafari Ikkinchi jahon urushi nogironi, 14 nafari urush qatnashchisi, 13 nafari Leningrad qamali qatnashchisi hamda 19 nafari konslager mahbusi hisoblanadi.
Faxriylarning eng ko‘pi Toshkent shahrida — 28 nafar. Shuningdek, Toshkent viloyatida 11 nafar, Farg‘ona viloyatida esa 5 nafar faxriy yashamoqda.
Qayd etilishicha, qayta ko‘rib chiqilgan harbiy hisob varaqalariga ko‘ra, urush yillarida O‘zbekistondan 1 million 951 ming kishi frontga safarbar etilgan. O‘sha davrda respublika aholisi 6,5 million nafarni tashkil etgan.
Frontga ketgan o‘zbekistonliklardan 538 ming nafari halok bo‘lgan.
O‘zbekistonliklar may oyida 14 kun dam oladi
Serxio Aguero: «Abduqodir Husanov shu darajani 3-4 yil saqlab qolsa, dunyoning eng yaxshi himoyachilaridan biriga aylanishi mumkin»
Moskvadagi barcha aeroportlar faoliyatini to‘xtatdi
