O‘zbekiston milliy terma jamoasining Qirg‘iziston va Eronga qarshi o‘yinlari vaqti ko‘chirildi

O‘zbekiston milliy terma jamoasining JCH-2026 saralashidan o‘rin olgan Qirg‘iz Respublikasi va Eronga qarshi uchrashuv vaqtlari va joylari OFK tomonidan ma’lum qilindi.

Ramazon oyi munosabati bilan muxlislarga qulaylik yaratish maqsadida O‘zbekiston futbol assosiasiyasi uchrashuv vaqtini o‘zgartirish bo‘yicha OFKga so‘rov yubordi. So‘rov qanoatlantirilib, o‘yin 20 mart kuni Toshkent vaqti bilan soat 21:00 ga ko‘chirildi.

Shuningdek, 25 mart kuni Eronga qarshi safar uchrashuvimiz “Ozodi” stadionida Toshkent vaqti bilan soat 21:00 da o‘tkazilishi belgilandi.