O‘zbekiston kubogida finalchilar aniq bo‘ldi

O‘zbekiston kubogi bahslarida bugun yarim finalning ikki o‘yini o‘tkazildi.

"Paxtakor" Toshkentda "Dinamo"ni qabul qildi. O‘yinning asosiy va qo‘shimcha bo‘limlarida hisob ochilmadi. Penaltilar seriyasida "sherlar" aniqroq harakat qildi - 4:2.

Kunning yana bir bahsida "Buxoro" "So‘g‘diyona"ni qabul qildi. O‘yinning asosiy vaqtida 2:2 hisobi qayd etildi. Qo‘shimcha bo‘limlarning ikkinchisida, 117-daqiqada buxoroliklar g‘alaba golini urib ketdi.

Endi "Paxtakor" va "Buxoro" o‘rtasidagi hal qiluvchi o‘yin oktyabr oyi oxirida Andijondagi "Bobur Arena" stadionida bo‘lib o‘tadi.