O‘zbekiston kubogi guruh bosqichi ikkinchi turidan o‘rin olgan o‘yinlari davom ettirilmoqda.
Namanganning "Navbahor" jamoasi vodiy derbisida "Andijon"ni qabul qilib, 2:1 hisobida g‘alaba qozondi. "Lochinlar" ochkolarini 6 taga yetkazib, muddatidan avval pley-off masalasini hal qildi.
Guruhning ikkinchi juftligida "Dinamo" "Nasaf"ga qarshi maydonga tushdi. Gollarga boy kechgan bahsda tomonlar 3:3 hisobida durang o‘ynadi.
Ma’lumot uchun, "H" guruhida 2-turdan keyin "Navbahor"da 6, "Dinamo"da 2, "Andijon" hamda "Nasaf"da 1 ochkodan bor. So‘ngi hal qiluvchi turda Samarqandliklar "Navbahor"ni qabul qiladi, Berdiyev shogirdlari esa "Bobur Arena"ga safar qiladi.
