«PSJ» hujumchisi Usmon Dembele o‘zining sobiq jamoadoshi — «Barselona» futbolchisi Gaviga qo‘llab-quvvatlov so‘zlari yo‘lladi. Avvalroq 21 yoshli yarimhimoyachi oyog‘idan operasiya qilingani va to‘rt-besh oy maydondan tashqarida qolishi ma’lum bo‘lgan edi.
«Kuch-g‘ayrat tilayman, birodar! Yaqin orada tuzalib, seni yana maydonda ko‘rishni istayman! Qattiq quchaman va sog‘inaman!» — deb yozdi Dembele ijtimoiy tarmoqda.
Gavi avgust oyi boshida jarohat olgan. Joriy mavsumda u La Liganing ikki o‘yinida ishtirok etib, bir assist qayd etdi. 22 sentyabr kuni esa Dembele «Oltin to‘p»ni qo‘lga kiritib, 2024/2025 mavsumi natijalariga ko‘ra dunyoning eng yaxshi futbolchisi deb topildi.
O‘zbekistonning "JCH–2026" guruh bosqichidagi raqibi o‘zgarishi mumkin
Gvardiola Husanov sariq kartochka olgan vaziyat haqida fikr bildirdi
Elmurod Haqnazarov braziliyalik raqibidan ustun keldi
