Urganchda elektr energiyasidan noqonuniy foydalangan korxona fosh etildi

"O‘zenergoinspeksiya" Xorazm viloyat hududiy boshqarmasi tomonidan o‘tkazilgan nazorat tadbirida Urganch shahrida "Q. G‘." MCHJga qarashli savdo do‘koni elektr qurilmalarini hisoblagichdan tashqari tarmoqqa ulab, elektr energiyasidan noqonuniy foydalanib kelayotganligi aniqlandi.

Ushbu qoidabuzarlik natijasida, elektr ta’minoti korxonasining dastlabki hisob-kitoblariga ko‘ra, 2 milliard 969 million so‘mlik zarar yetkazilganligi ma’lum bo‘ldi.

Hozirda huquqni muhofaza qilish organlari tomonidan tergovga qadar tekshiruv ishlari olib borilmoqda.