Jahon iqtisodiyoti va diplomatiya universiteti 2025/2026 o‘quv yilidan boshlab talabalar uchun shartnoma narxlarini 15 foizga oshirishini ma’lum qildi. Universitet matbuot xizmatiga ko‘ra, bu qaror asosan moliyaviy barqarorlikni ta’minlash maqsadida qabul qilingan.
Ma’lum qilinishicha, JIDUda kechki, sirtqi va masofaviy ta’lim shakllari mavjud emas. Shu sababli universitet byudjeti asosan kunduzgi ta’limdan tushadigan shartnoma mablag‘lariga tayanadi.
Yangi narxlar bo‘yicha 1–2-kurs talabalari uchun shartnoma 33,75 mln so‘m (stipendiyasiz) va 40,59 mln so‘m (stipendiyali) etib belgilandi. 3–4-kurslarda esa to‘lov miqdori 27,3 mln so‘mdan 34,14 mln so‘mgacha o‘zgarmoqda. Chet ellik talabalar uchun shartnoma narxi 38,4 mln so‘mdan 44,8 mln so‘mgacha belgilandi.
Magistratura bosqichida mahalliy talabalar 34,56 mln so‘m (stipendiyasiz) yoki 41,4 mln so‘m (stipendiyali) to‘laydilar. Chet ellik magistrlar uchun esa narx 44,8 mln so‘mdan 51,2 mln so‘mgacha belgilab qo‘yilgan.
Shu tariqa, universitet ta’kidlashicha, kontrakt miqdorining oshishi ta’lim jarayoni va moliyaviy barqarorlikni ta’minlashda zarur qadam hisoblanadi.
Eslatib o‘tamiz, 1 avgustidan boshlab byudjet tashkilotlari xodimlarining ish haqi va stipendiyalar miqdori ham 10 foizga oshirilgan edi.
Qarshida 150 nafar yo‘lovchili samolyot g‘oyib bo‘ldi
Xitoyliklar ayol o‘rnini bosa oladigan robot ixtiro qildi
Ayoli yoki bolasining kontrakt pulini to‘laydiganlarga xushxabar
