Ukrainaliklar yaqin qarindoshlari vafoti uchun tovon puli talab qilishlari mumkin

Urushda yaqin qarindoshini yo‘qotgan ukrainaliklar endi xalqaro reestrga kompensasiya uchun ariza topshirishlari mumkin.

Ukraina uchun zarar hisobi reestriga ko‘ra, bu Rossiyaning Ukrainaga qarshi keng ko‘lamli bosqinchiligi natijasida yuzaga kelgan insoniy azob-uqubatlarni tan olishdagi muhim qadam va oilalar uchun "adolat izlash va og‘ir yo‘qotishlarini e’tirof ettirish" imkonidir.

Ariza beruvchilar halok bo‘lgan shaxs va uning o‘limi holatlari haqida ma’lumot taqdim etishlari kerak. Reestr ma’lum qilishicha, ular moliyaviy yordam yo‘qolishi kabi to‘g‘ridan-to‘g‘ri moliyaviy zararlarni isbotlovchi dalillar ko‘rsatishlari shart emas va o‘z talablarini raqamli shaklda yuborishlari mumkin.

Ilgari ukrainaliklar faqat Rossiya hujumlari natijasida uy-joylarining vayron bo‘lishi kabi mulkiy zarar uchun ariza topshirishlari mumkin edi.