Ukraina prezidenti Volodimir Zelenskiy AQSh yetakchisi Donald Trampning energetika sulhi bo‘yicha kelishuvga erishilgani haqidagi bayonotiga izoh berar ekan, Kiyev bunday kelishuvni olqishlashini aytdi.
"Bu hamma uchun yaxshi yangilik, u reallikning bir qismiga aylanishi muhim. Ukraina o‘t ochishni to‘xtatish va urushni tugatishning barcha real va ishonchli formatlarini qo‘llab-quvvatlaydi. Ukraina Rossiya energetikasiga zarbalar bermaslikka tayyor va biz Rossiyaning ham xuddi shunga tayyorligiga hamda Amerika Qo‘shma Shtatlari prezidentining bu boradagi kelishuviga umid qilamiz. Biz bunday kelishuvni olqishlaymiz", — dedi Ukraina prezidenti.
"Ukraina ko‘plab deeskalasiya qadamlarini taklif qildi. Putin ularning batchasiga “yo‘q” deya javob berdi. Nihoyat u AQShga, Ukrainaga va butun dunyoga boshqa biror narsa deyishiga umid qilamiz. U qotilliklar va yolg‘ondan tashqari boshqa narsa, haqiqiy va munosib tinchlikka olib keladigan bir gap aytishi lozim. Ukraina tinchlikni xohlaydi. Masala Rossiya buni xohlashi yoki yo‘qligida", — dedi Volodimir Zelenskiy.
"Ukraina Qurolli Kuchlari tegishli barcha buyruqlarni oldi. Ukrainani himoya qilyapmiz. Ukraina qo‘llab-quvvatlanishi uchun kurashyapmiz. Hamkorlarimizning bizga yordam berishi mumkin bo‘lgan barcha qadamlarini qo‘llab-quvvatlaymiz. AQSh va Rossiya muloqotining aniq tafsilotlarini hamda Putin prezident Tramp aytgan gaplarini bajarishini kutyapmiz", — deb ta’kidladi Ukraina yetakchisi.
Nega aynan Erkinjon Turdimov? Bu qaror ortida qanday omillar turibdi?
Shaxmat terma jamoasi a’zolari hibsga olindi
UzAutoMotorsʼni sotib olishga uchta davlatdan xaridor chiqdi
