Ukraina mudofaa kuchlari Xarkov viloyatining Mirnoye qishlog‘ini ozod qildi. U Kupyansk yaqinida joylashgan.
Bu haqda DeepState loyihasi xaritasidagi yangilangan ma’lumotlar xabar bermoqda.
Qayd etilishicha, ruslar o‘sha pozisiyalardan Kupyanskgacha bo‘lgan avtomagistralni nazorat qilishlari mumkin edi.
Qishloq ozod qilingani haqidagi ma’lumotni "Dnepr" tezkor-strategik guruhi matbuot kotibi Viktor Tregubov ham tasdiqladi.
"Hozircha ruslar Mirnoyedan quvib chiqarildi. Yaradorlar yoki halok bo‘lgan rossiyaliklar haqida ma’lumot yo‘q", - dedi u nashrga bergan izohida.
Tregubov, shuningdek, ukrainalik harbiylar "yanada oldinga siljishini" ta’kidladi.