Ukraina MDHning yana bir kelishuvidan chiqdi

Ukraina hukumati MDH doirasidagi boshqa kelishuvdan chiqishga qaror qildi.

Bu haqda hukumatning Oliy Radadagi vakili Taras Melnichuk o‘zining Telegram’dagi kanalida ma’lum qildi.

"Mustaqil Davlatlar Hamdo‘stligiga a’zo davlatlarning favqulodda vaziyatlar yuzaga kelganda fuqarolari uchinchi davlatlardan evakuasiya qilingan taqdirda o‘zaro hamkorligi to‘g‘risidagi bitimdan chiqish to‘g‘risida"gi qonun loyihasi ma’qullandi", — deb yozadi u.

Hujjat 1996 yil aprel oyida imzolangan.

Kiyev muntazam ravishda Rossiya, Belorussiya, Suriya bilan, shuningdek, MDH doirasida tuzilgan shartnomalardan chiqishini e’lon qiladi.