Ukraina dronlari Leningrad viloyatidagi VK ma’lumotlar markaziga hujum qildi

Rossiyaning VK kompaniyasi Leningrad viloyatidagi ma’lumotlarni qayta ishlash markaziga dronlar hujum qilganini ma’lum qildi.

"VK xizmatlari foydalanuvchilar uchun odatdagidek ishlamoqda", — deyiladi kompaniya bayonotida.

Avvalroq Leningrad viloyati gubernatori Aleksandr Drozdenko hududga dronlar bilan ommaviy hujum qilinganini xabar bergan edi. Uning ma’lum qilishicha, 95 ta Ukraina droni urib tushirilgan.

Ukraina hozircha hujum yuzasidan izoh bermagan.

Oktyabr oyida Ukraina dronlari "Yandeks" va Sberbank ma’lumotlar markazlariga ham hujum qilgan edi. O‘shanda hujumlardan keyin "Yandeks" xizmatlari ishida jiddiy uzilishlar kuzatilgan.