Uchtepada qurilish bozorining bir qismi yopildi

Toshkent shahrida joylashgan qurilish bozorining (Stroy gorod) 2-blokida faoliyat vaqtincha to‘xtatildi. Bu haqda FVV xabar berdi.

Ma’lum qilinishicha, kecha, 9 fevral kuni Toshkent shahar FVBB tomonidan Uchtepa tumanida joylashgan qurilish bozorida savdo binolari va xonalari tegishli tartibda tekshirilgan.

Tekshiruvlar davomida bozorning 2-blokida yong‘in xavfsizligi qoidalarining qo‘pol ravishda buzilgani aniqlangan va kamchiliklar to‘liq bartaraf etilgunga qadar ushbu hududda ish faoliyati vaqtincha to‘xtatilgan.