“Uch qahramon”dagi yong‘in bo‘yicha jinoyat ishi qo‘zg‘atildi

Toshkent viloyati IIBB xabariga ko‘ra, do‘konlar joylashgan hudud 20 ming m/kv. bo‘lib, shundan 12 ming m/kv.dagi do‘konlar saqlab qolingan.

Yong‘in oqibatida tan jarohati olgan yoki halok bo‘lganlar aniqlanmagan.

Holat bo‘yicha Jinoyat kodeksining 259-moddasi bilan jinoiy ish ochilgan va yong‘in sabablarini o‘rganish bo‘yicha tergov olib borilmoqda.

Eslatib o‘tamiz, 11 avgust kuni tungi soat 02:22 lar atrofida Toshkent tumanida joylashgan Uch qahramon savdo majmuasida yong‘in kelib chiqdi. Yong‘in salkam 3 soat davom etgan.