Turkmanistonda ayollar uchun yangi qonun qoidalar joriy etildi

Ashxobodda ishlayotgan turmushga chiqmagan ayollarga noma’lum sabablarga ko‘ra ish joyida sochlarini sariq sharf bilan o‘rash buyurilgan. Rasmiylarning aytishicha, yuqoridan buyruq kelgan. Turmush qurgan ayollarga sariq ko‘ylak kiyish buyurilgan. Kiyinish qoidalariga rioya qilmaslik ishdan bo‘shatilishiga olib kelishi mumkin. Nima uchun bu maqsadda sariq rang tanlangani noma’lum.

Ilgari mamlakatda boshqa talablar ham joriy qilingan edi, xususan, barcha avtomobillar oq yoki boshqa ochiq rangda bo‘lishi, erkaklar esa soqollari toza bo‘lishi kerak edi. Binolardan tashqi kondisionerlar olib tashlangan va sun’iy yo‘ldosh antennalari tushirilgandi.