Turkiyaning Antaliya shahrida o‘rmon yong‘inlari sodir bo‘lmoqda

Turkiyaning Antaliya viloyatining Alaniya va Aksu tumanlarida o‘rmon yong‘inlari sodir bo‘ldi.

Yong‘in haqida ma’lumot kelib tushganidan so‘ng darhol voqea joyiga Antaliya o‘rmon xo‘jaligi boshqarmasining o‘t o‘chirish brigadalari yuborilgan.

Yong‘inlarni o‘chirishda nafaqat quruqlikdagi kuchlar, balki aviasiya – vertolyot va samolyotlar ham ishtirok etmoqda.

Ayni paytda tabiiy ofatni bartaraf etish ishlari davom etmoqda.

Yong‘in sabablari tegishli idoralar tomonidan aniqlanmoqda.