Eron mudofaa vaziri Aziz Nosirzoda Isroil bilan kechgan 12 kunlik qurolli to‘qnashuvdan so‘ng birinchi bor xorijga safar qildi — u Xitoydagi SHHT (Shanxay Hamkorlik Tashkiloti) xavfsizlik sammitida ishtirok etdi.
Ushbu tashrif Eronning G‘arbdan tashqaridagi davlatlar bilan strategik aloqalarni chuqurlashtirishga intilayotganini ko‘rsatmoqda. Sammit AQSH, Isroil va Eron o‘rtasidagi keskinlik kuchaygan bir vaqtda o‘tdi.
Xitoyning strategik port shahri — Sindaoda bo‘lib o‘tgan ikki kunlik uchrashuvda Eron bilan bir qatorda Xitoy, Rossiya, Hindiston va Pokistonning mudofaa vazirlari ham ishtirok etdi. Eronning ushbu sammitdagi ishtiroki AQShning bosimiga qarshi turishda Moskva va Pekin bilan yaqinroq hamkorlik qilish strategiyasining davomi sifatida baholanmoqda.
Xitoy to‘g‘ridan-to‘g‘ri Isroil-Eron inqiroziga aralashmasa ham, Tehronga diplomatik yordam ko‘rsatishga ishora qilgan. Xitoy mudofaa vaziri Dun Szyun o‘z chiqishida Amerika qo‘llovidagi harbiy siyosatni «hukmronlik va zo‘ravonlik» deb tanqid qildi. Eron vaziri Nosirzoda esa Xitoyga mintaqada tinchlikni tiklash va otashkesimni mustahkamlashda yordam berishni so‘ragan.
Tehron G‘arb bosimiga qaramay, muqobil global ittifoqlarga tayanishini yana bir bor tasdiqladi. Bu bilan Eron NATOga qarshi turishi mumkin bo‘lgan SHHTning mintaqaviy hamkorlikdagi roliga ishonmoqda.
Eldor Shomurodov yangi jamoasining taklifini qabul qildi
Isroil Eron bilan urush tugaganini rasman e’lon qildi
Eron Isroilni mag‘lubiyatga uchratganini ma’lum qildi
