Turkiyada noqonuniy fuqarolik berishga ko‘maklashgani uchun o‘nlab odamlar hibsga olindi

Turkiyada chet elliklarga noqonuniy fuqarolik berishga ko‘maklashganlikda gumon qilingan 74 kishi hibsga olindi.

Istanbul polisiya bosh boshqarmasi tomonidan o‘tkazilgan operasiya shaharning 13 ta tumanini qamrab olgan.

Operasiya natijasida 74 kishi hibsga olingan. Ular 72 million dollar evaziga 1070 nafar chet ellik fuqaroga noqonuniy ravishda fuqarolik berganlikda gumon qilinmoqda.

Sud qarori bilan 26 kishi hibsga olindi, qolganlari esa polisiya nazorati ostida saqlandi.