Turkiya Milliy ta’lim vazirligi tarix fani o‘quv dasturiga tub o‘zgarishlar kiritdi. Yangi yondashuvga ko‘ra, «Markaziy Osiyo» atamasi «Turkiston» atamasi bilan almashtiriladi. Mutaxassislarning qayd etishicha, mazkur qaror kelajak avlodlarda milliy o‘zlikni anglash va vatanparvarlikni mustahkamlashga qaratilgan.
Prezident Rajap Tayyip Erdog‘an, Turk dunyosi birligining ahamiyatiga to‘xtalib: “Kelajak davrni Turklar davriga aylantirish uchun yelkama-elka harakat qilamiz, «Turk asriga» qarashimizni Turkiy Davlatlar Tashkilotiga ham uzatamiz”.
Professor Ahmet Tashagil TRT Haber telekanali uchun «Turkiston» atamasining tarixiy ma’nosini tushuntirdi. «Turklarning vatani ma’nosini anglatuvchi Turkiston so‘zi tarixning eng qadimgi davrlaridan beri qo‘llanilgan. 19-asrning ikkinchi yarmida ruslar bosqinchiligi natijasida Turkiston nomi o‘rniga O‘rta Osiyo tushunchasi kirib keldi va tarqaldi», - deydi u.
Dosent Ramin Sodiq TRT Haber telekanali uchun Ta’lim vazirligi qaroriga izoh berdi. «Turkiston kontsepsiyasi va uning Xalq ta’limi vazirligi tomonidan darsliklarga kiritilishiga murojaatimiz juda to‘g‘ri qaror. Turkiya ham, Turkiston ham asosan turklar yashaydigan hududni anglatadi», - deydi Sodiq.
Mutaxassis turk dunyosi uchun mushtarak tarix, geografiya, adabiyot, xarita va alifbo yaratish borasidagi faol qadamlar davrida Milliy ta’lim vazirligining «Turkiston» atamasini darsliklarga, jumladan, bolalar uchun mo‘ljallangan darsliklarga kiritish to‘g‘risidagi qaroriga ko‘ra muhim o‘zgarishdir. Uning fikricha, bu o‘zgarishlar nafaqat Turkiya, balki butun turkiy dunyo, shuningdek, turkiy davlatlarning hamkor davlatlari uchun muhim boshlanish va qimmatli hissadir.
Mutaxassislarning ta’kidlashicha, bu o‘zgarish turkiy dunyo bo‘ylab aloqalarni mustahkamlash, jumladan, umumiy tarix, adabiyot, xarita va alifbo yaratishga qaratilgan kengroq strategiyaning bir qismidir.
