Turkiy madaniyat va meros jamg‘armasi prezidenti Aktoti Raimqulova Issiqko‘l xalqaro forumining yalpi majlisida nutq so‘zladi

2026 yil 19 iyun kuni Qirg‘iz Respublikasida Chingiz Aytmatov nomidagi Issiqko‘l xalqaro forumining 40 yilligiga bag‘ishlangan tadbir doirasida yalpi majlislar davom etdi. Turkiy madaniyat va meros jamg‘armasi prezidenti, professor Aktoti Raimqulova yalpi majlislardan birida ma’ruza bilan ishtirok etdi.

Professor Aktoti Raimqulova o‘z nutqida Issiqko‘l forumi Yevroosiyo mintaqasidagi eng nufuzli intellektual maydonlardan biri ekanligini, u davlat arboblari, olimlar, diplomatlar, madaniyat namoyandalari hamda xalqaro ekspertlarni zamonamizning eng dolzarb masalalarini muhokama qilish uchun birlashtirib kelayotganini ta’kidladi.

Jamg‘arma prezidenti joriy yilgi forum buyuk qirg‘iz yozuvchisi, mutafakkiri va insonparvari Chingiz Aytmatov tavalludining 100 yilligiga bag‘ishlangani alohida ramziy ahamiyatga ega ekanini qayd etdi. Uning so‘zlariga ko‘ra, Chingiz Aytmatov merosi nafaqat Qirg‘iziston va turkiy dunyoning, balki butun insoniyatning umumiy ma’naviy boyligidir. Uning asarlarida aks etgan inson qadr-qimmati, Vatanga muhabbat, tarixiy xotiraga sadoqat hamda kelajak avlodlar oldidagi mas’uliyat kabi qadriyatlar bugungi kunda ham o‘z dolzarbligini saqlab qolmoqda.

Aktoti Raimqulova o‘z chiqishi davomida Turkiy madaniyat va meros jamg‘armasi tomonidan amalga oshirilayotgan loyihalar haqida ham ma’lumot berdi. Xususan, turkiy xalqlarning boy tarixiy va madaniy merosini asrab-avaylash, targ‘ib etish va kelajak avlodlarga yetkazishga qaratilgan tashabbuslar, shuningdek, raqamlashtirish, innovasiyalar, ilm-fan va ta’lim sohalaridagi loyihalar alohida e’tirof etildi. Ushbu loyihalar zamonaviy global chaqiriqlar sharoitida turkiy dunyoda gumanitar hamkorlikni mustahkamlash va barqaror rivojlanishni ta’minlashga xizmat qilayotgani ta’kidlandi.

Forum o‘z ishini 21 iyunga qadar davom ettiradi.