«Fenerbaxche» prezidenti lavozimiga nomzod Hakan Safi kuchli saylovoldi qadamini tashladi. U jamoaga «Bavariya» va «Barselona»ning sobiq hujumchisi Robert Levandovskini taklif qilmoqchi. Polyak hujumchisi shartnomasi yakunlanganidan so‘ng Kataloniya klubini tark etgan edi. Avvalroq unga Saudiya Arabistoni klublari qiziqish bildirayotgani haqida xabarlar tarqalgandi.
Meczyki.pl ma’lumotlariga ko‘ra, Levandovski Safidan yillik maoshi 20 million yevroni tashkil etuvchi shartnoma taklifini allaqachon olgan. Hozircha 37 yoshli futbolchi na rozilik, na rad javobini bergan. Ehtimol, u shu hafta bo‘lib o‘tadigan saylov natijalarini kutayotgan bo‘lishi mumkin.
2025/2026 yilgi mavsumda Levandovski 46 ta uchrashuvda maydonga tushib, 19 ta gol urgan va 4 ta golli uzatmani amalga oshirgan.
Jahon chempionatining eng qimmat terma jamoalari reytingi e’lon qilindi
Kanada - O‘zbekiston o‘yini soat nechada boshlanishi va qaysi kanal orqali translyasiya qilinishi ma’lum bo‘ldi
Kannavaro Husanovdan boshqacha o‘ynashni talab qildi!
