Tramp saylovoldi kampaniyasida nomzod bo‘lgan paytida, u ko‘pincha Ukraina haqidagi savollarga dadil da’vo bilan javob berardi: agar u Oq uyga qaytsa, Ukrainadagi urushni tugatish bo‘yicha muzokaralar "juda oson" bo‘ladi va urushni tugatish to‘g‘risidagi kelishuvga "24 soat ichida" erishish mumkin.
Biroq, bu dadil va’da murakkab voqelik bilan to‘qnashdi va Tramp o‘z ohangini o‘zgartirdi.
18 aprel kuni uning ma’muriyati, agar ko‘proq progress bo‘lmasa, tinchlik muzokaralaridan chiqib ketishi mumkinligini bildirdi va Tramp o‘zini himoya qilib, "hech kim buni 12 soat ichida amalga oshirish mumkin deb aytmayapti" dedi.
Bundan oldin, mart oyida Tramp Rossiya-Ukraina urushini 24 soat ichida hal qilish haqida qayta-qayta aytganida "biroz kinoya qilayotganini" ta’kidlagan edi.
"Xo‘sh, men buni aytganimda ozgina kinoya qilgandim," deydi Tramp Full Measure teleko‘rsatuviga bergan intervyusidan olingan lavhada. "Aslida men shuni nazarda tutayapmanki, bu masalani hal qilishni xohlayman va, menimcha, bunga erishaman."
Ijtimoiy tarmoqlarda bu qarama-qarshilik e’tibordan chetda qolmadi.
Qozog‘iston Rossiya bilan urushga tayyorgarlik ko‘rmoqdami yoki bu shunchaki ichki chorami?
Moskva markazida ketma-ket portlashlar yuz berdi
Istanbuldagi zilzilani bashorat qilgan turkiyalik olimning bayonoti e’lon qilindi
