Zelenskiy: "Rahmat Tramp, rahmat AQSh"

"Men AQSh prezidenti Donald Tramp bilan gaplashdim." Bu haqda Ukraina prezidenti Vladimir Zelenskiy ijtimoiy tarmoqlarda ma’lum qildi.

"Biz juda yaxshi suhbatlashdik. Ukrainani qo‘llab-quvvatlashga tayyorligingiz va qotilliklarni to‘xtatish hamda mustahkam va adolatli tinchlik o‘rnatish uchun birgalikda ishlashni davom ettirishga tayyorligingiz uchun tashakkur.

Prezident Tramp NATO bosh kotibi Mark Ryutte bilan uchrashuvi haqida gapirdi. Bizda shunday yaxshi munosabatlar mavjudligi muhim, NATO davlatlari mudofaa xarajatlarini oshirishga harakat qilmoqda.

Biz prezident bilan odamlarni Rossiya hujumlaridan ko‘proq himoya qilish va pozisiyalarimizni mustahkamlash bo‘yicha zarur qarorlarni muhokama qildik. Biz tinchlikka erishish uchun imkon qadar samarali ishlashga tayyormiz.

Biz bir-birimizga tez-tez qo‘ng‘iroq qilib, qadamlarimizni muvofiqlashtirishga kelishib oldik. Rahmat, janob Prezident! Rahmat, Amerika!", - dedi Zelenskiy.