Trampning Rossiyaga qarshi sanksiyalar bo‘yicha uchta varianti bo‘lgan, u o‘rtacha qattiqlikdagi variantni tanlagan — WSJ

"Tramp Rossiyaga qarshi cheklovlar joriy etish qarorini qabul qilganida, unga ma’muriyati tomondan “qattiqlik darajasi” turlicha bo‘lgan uchta sanksiyalar paketi taqdim etilgan. Tramp o‘rtacha variantni tanlagan", deya yozmoqda gazeta manbalariga tayanib.

The Wall Street Journal suhbatdoshlarining aytishicha, eng qattiq variant Rossiya sanoati va mamlakatning oliy rahbariyatiga qarshi sanksiyalarni o‘z ichiga olgan. O‘rtacha variant energetika sektoriga qaratilgan bo‘lgan, eng yumshoq variant esa cheklangan choralarni nazarda tutgan, biroq ularning aniq mazmuni ko‘rsatilmagan.

"Trampning sabri tugagan, AQSh prezidenti Putin “uni shunchaki aldab kelmoqda” degan xulosaga kelgan va Rossiyaning Ukraina hududiga zarbalari aks etgan kadrlardan norozi bo‘lgan", deyiladi WSJ xabarida.