Tramp Zelenskiyni sayyor sirk asoschisiga qiyosladi

AQSh prezidenti Donald Tramp Ukraina prezidenti Vladimir Zelenskiyni amerikalik shoumen va sayyor sirk asoschisi Fineas Teylor Barnumga qiyosladi. Bu haqda u Newsmax telekanaliga bergan intervyusida ma’lum qildi.

«Men uni F. T. Barnum deb atayman», — dedi Tramp.

Shuningdek, Amerika prezidenti sobiq prezident Jo Bayden ma’muriyati Zelenskiyga katta miqdorda qurol-yarog‘ bergani, biroq buning uchun undan haq to‘lashni talab qilmaganini ta’kidladi.

Fineas Teylor Barnum XIX asrda yashagan amerikalik tadbirkor va shoumen bo‘lib, ommaviy ko‘ngilochar tomoshalar sanoatining asoschilaridan biri hisoblanadi. U shov-shuvli ko‘rgazmalar va mashhur sayyor sirk tashkilotchisi sifatida tanilgan.