AQSh prezidenti Donald Tramp Ukraina Rossiyaning neftni qayta ishlash zavodlariga hujumlarni to‘xtatib, energetik sulhga rioya qilishini kutmoqda. Bu haqda Axios nashri Oq uydagi manbalariga tayanib xabar berdi.
Manbalarga ko‘ra, Tramp Rossiya neft zavodlariga zarbalar AQShda benzin narxining oshishiga sabab bo‘layotgan deb hisoblaydi. U Ukraina prezidenti Vladimir Zelenskiydan norozi ekani va Zelenskiy AQSh yordamini odatiy hol deb qabul qilayotganini ta’kidlayotgani aytilgan.
Taklif Rossiya va Ukrainaning neftni qayta ishlash zavodlariga o‘zaro hujumlarni to‘xtatishini nazarda tutadi. Keyinchalik kelishuvni elektr stansiyalari va energetika tarmoqlariga ham tatbiq etish mumkin.
Ukrainalik rasmiy taklif teng shartlarni nazarda tutmasligini bildirgan. Uning aytishicha, Ukrainadagi yagona neftni qayta ishlash zavodi Rossiyaning takroriy hujumlari sababli to‘liq quvvatda ishlamayapti.
Rossiya hozircha energetik sulh taklifiga javob bermagan. Axios manbasiga ko‘ra, Moskva taklifni ko‘rib chiqmoqda va yaqin orada qarorini ma’lum qilishi mumkin.
MrBeast: “O‘zbekistonda muxlislarim shu qadar ko‘pki, balki ketishimizga to‘g‘ri kelar”
Germaniya Rossiya bilan dizel yoqilg‘isi yetkazib berish bo‘yicha kelishuv tuzishni taklif qildi
AQSh Rossiya neftni qayta ishlash zavodlariga qilingan zarbalar tufayli Ukrainaga qurol yetkazib berishni to‘xtatish bilan tahdid qilmoqda
