Tramp soatlarni o‘zgartirishni bekor qilishga qarshilik qilayotgan senatorning telefon raqamini e’lon qildi

Donald Tramp Arkanzas aholisini respublikachi senator Tom Kottonga qo‘ng‘iroq qilishga chaqirdi va uning mobil raqami ekanini aytgan telefon raqamini ochiqladi.

📱 Tramp Truth Social tarmog‘ida: «Tomga mobil telefoniga qo‘ng‘iroq qiling», — deb yozib, Arkanzas aholisidan senatorni qonun loyihasini qo‘llab-quvvatlashga ko‘ndirishni so‘radi.

Kotton prezident qo‘llab-quvvatlayotgan doimiy yozgi vaqtga o‘tish qonun loyihasiga qarshi. Uning fikricha, qishda doimiy yozgi vaqt joriy etilsa, ayrim hududlarda quyosh juda kech chiqadi va bolalar maktabga qorong‘ida borishiga to‘g‘ri keladi.

🏛️ Qonun loyihasi iyul oyida AQSh Kongressi Vakillar palatasida ma’qullangan, ammo Senatda qarshilikka uchragan.

Tramp esa kechqurun yorug‘ vaqtning uzayishi qishloq xo‘jaligi, sport va jinoyatchilikka qarshi kurash uchun foydali bo‘lishini ta’kidlamoqda. Prezidentning o‘zi esa golf o‘ynash uchun ko‘proq vaqt qolishini alohida aytgan.

⚠️ Biroq e’lon qilingan raqam haqiqatan ham Kottonga tegishlimi — hozircha aniq emas. Reuters jurnalistlari raqamga qo‘ng‘iroq qilganda, faqat to‘lib ketgan ovozli pochtaga tushgan.