Donald Tramp Maxfiy xizmat direktori lavozimiga Pensilvaniya shtatining Batler shahrida uyushtirilgan suiqasd paytida uni himoya qilgan agent Shon Karrenni sayladi.
“Karren so‘nggi bir necha yil ichida mening oilamni himoya qilgan buyuk vatanparvar, va shuning uchun men unga Qo‘shma Shtatlar Maxfiy xizmatining jasur erkaklar va ayollarini boshqarishiga ishonaman”, – dedi Donald Tramp o‘zining Truth Social platformasida.
“U Pensilvaniya shtati Batler shahrida meni qotilning o‘qidan qutqarish uchun hayotini xavf ostiga qo‘yib, o‘zining qo‘rqmas jasoratini isbotladi. Ishonchim komilki, Shon AQSh Maxfiy xizmatini har qachongidan ham kuchliroq qiladi”, — deb yozgan Donald Tramp.
Shon Karren huquqni muhofaza qilish sohasida 23 yillik tajribaga ega, Maxfiy xizmat faoliyatini 2001 yilda Nyuark, Nyu-Jersi dala idorasida maxsus agent sifatida boshlagan.
Karren agentlikka birinchi marta 2001 yil sentyabrida qo‘shilgan va 2024 yil 29 dekabrda Prezident Mudofaa xizmati mas’ul maxsus agenti o‘rinbosari lavozimiga ko‘tarilgan. Yuzlab agentlardan iborat ushbu bo‘linma amaldagi prezident va uning oilasini himoya qilishga mas’uldir.
Qayd etilishicha, Maxfiy xizmat direktori lavozimi Senat tomonidan tasdiqlanishi shart emas.
Karran avvallari to‘rt yil davomida Trampning xavfsizligi uchun mas’ul bo‘lgan maxsus agent edi va 2024 yil 13 iyulda Pensilvaniya shtatining Batler shahrida amalga oshirilgan birinchi suiqasd paytida uni sahnada yashirishga shoshildi.
Kanada AQShga zarba berdi
"Ko‘rinmas" rus dronlari Ukraina artilleriyasini mazax qilmoqda
Rossiya Su-35’larni Xitoyga sotib xato qildimi? Xitoy Su-35’larni uchish uchun emas, nusxa olish uchun olgan!
