AQSh prezidenti Donald Tramp Kubada davlat tuzumi uning prezidentlik vakolati muddati tugaguniga qadar, ehtimol, undan ham oldin o‘zgarishiga ishonadi.
Bu haqda Tramp jurnalist Benni Jonsonga bergan intervyusida ma’lum qilgan.
«Biz Kubadagi vaziyatni juda diqqat bilan kuzatib boryapmiz, AQSh Davlat kotibi Marko Rubio esa bu masala bilan puxta shug‘ullanmoqda. Uning ota-onasi Kubadan. Ishonchim komilki, ikki yarim yil ichida bu masalada albatta natijaga erishamiz, aslida bu ancha oldinroq ham sodir bo‘lishi mumkin», — dedi Tramp.
Shu bilan birga, AQSh ma’muriyati rahbari boshqa bosim usullari samara bermasa, orolda Venesueladagi ssenariy takrorlanishi ehtimolini ham istisno qilmadi.
«Qarang, bu inqirozga uchragan mamlakat (Kuba — tahr.). Venesuelada nima qilganimizni ko‘ring, u yerda hammasi juda yaxshi bo‘ladi. Avval u yerda ishni oxiriga yetkazamiz, keyin esa, ehtimol, boshqa masala bilan shug‘ullanarmiz. Venesueladagi ishlar esa ajoyib kechdi. Hozir esa Eron deb atalmish mamlakat bilan shug‘ullanyapmiz va uni yadro qurolidan mahrum qilyapmiz», — deb javob berdi AQSh rahbari.
Isroilda parlament saylovlari yakunlandi: Netanyaxu uchun kutilmagan natija
17 yoshli qiz o‘ldirilishi 52 yildan keyin fosh etildi: uning ota-onasi haqiqatni bilmay vafot etdi
1-noyabrdan issiq suv va issiqlik energiyasi narxlari 30% ga oshadi
