Tramp jamoasida ilk kelishmovchiliklar kelib chiqdi

Import mahsulotlarga boj to‘lovlarini joriy etish masalasidagi noaniqlik Tramp jamoasida ilk kelishmovchiliklarni keltirib chiqardi, deb xabar bermoqda Politico

"Donald Tramp AQSh prezidenti lavozimiga kirishganidan so‘ng haligacha import mahsulotlar uchun boj to‘lovlarini belgilash masalasiga e’tibor qaratmadi", deb yozadi gazeta.

Tramp ma’muriyati a’zolarining muhokamalari bilan tanish bo‘lgan uchta anonim manbaning Politico'ga ma’lum qilishicha, bu yondashuv davlat rahbari qanday yo‘llar orqali va qachon boj to‘lovlarini joriy etish haqida hali qaror qilmaganligini ko‘rsatadi.

"Import mahsulotlar uchun boj stavkalari bo‘yicha noaniqlikning misli ko‘rilmagan darajasi Tramp jamoasidagi asosiy masalalar bo‘yicha kelishmovchiliklarning birinchisi va eng ahamiyatli namunasi sifatida namoyon bo‘lmoqda", deya qayd etadi nashr.