AQSh prezidenti Donald Tramp Eronning dengiz blokadasi Tehron Vashington bilan kelishuvga erishmaguncha yoki taslim bo‘lmaguncha davom etishini aytdi.
Tramp bu haqda Truth Social ijtimoiy tarmoqchi sahifasida yozdi.
Uning ta’kidlashicha, Eron rahbariyati "aql bovar qilmaydigan ikkiyuzlamachilik" ko‘rsatmoqda, chunki AQSh bilan muzokaralardan bosh tortganini ochiqchasiga e’lon qilganiga qaramay, Tehron uchrashuvlarni izlashda davom etmoqda va Amerika tomoni bilan aloqani saqlab qolmoqda.
"Ular uchrashuvlar so‘rashmoqda... Muzokaralar boshlanmoqda, yaqin orada yana uchrashuvlar rejalashtirilgan, ammo ular hech qanday muzokaralar olib bormayotganliklarini va faqat Ummon bilan ish olib borayotganliklarini ochiq va g‘urur bilan e’lon qilishmoqda", deb yozgan u.
Tramp shuningdek, Tehronning Hormuz bo‘g‘ozi ustidan nazorat haqidagi da’volarini rad etib, uni butunlay AQSh dengiz floti nazorat qilayotganini da’vo qildi.
"Eron biz xohlamagunimizcha hech narsaga erisha olmaydi va bu kelishuvga erishilmaguncha yoki to‘liq taslim bo‘lmaguncha shunday bo‘lib qoladi", dedi Tramp.
U Qo‘shma Shtatlar muammoga yechim topish yo‘lini muhokama qilayotganini ta’kidladi, uning so‘zlariga ko‘ra, Eron buni o‘nlab yillar davomida yaratib kelmoqda.
"Bu juda oddiy: Eron hech qachon yadroviy qurolga ega bo‘lmaydi", deb xulosa qildi Tramp.
Saudiya Arabistoni valiahd shahzodasi Trampni Eronga qarshi boshqa hujumlar uyushtirmaslikka chaqirdi
Xitoy elektromobillari omborlarda to‘planib qolmoqda
Florensiyada “birinchi Coca-Cola” resepti topildi
