Tramp: "Endi dunyoda uchinchi jahon urushi bo‘lmaydi"

AQSh prezidenti Donald Tramp sayyoramiz uchinchi jahon urushi sari intilmayapti, dedi.

Bu haqda u amerikalik jurnalist Mark Levinga bergan intervyusida ma’lum qildi.

Ukrainadagi mojaro haqida mulohaza yuritar ekan, u AQShning avvalgi prezidenti Jo Bayden davrida vaziyat yanada og‘irlashib borayotganini ta’kidladi. "Menimcha, bu uchinchi jahon urushi tomon ketayotgan edi, lekin endi bu sodir bo‘lmaydi. Bu yaxshi xabar. Endi bu haqda tashvishlanishga hojat yo‘q", dedi u.

"Ko‘ramiz, kelishuv jarayoni qanday rivojlanadi. Lekin u Uchinchi jahon urushi tomon ketayotgan edi. Bu harbiy mojarolar nuqtai nazaridan sodir bo‘lgan eng yomon narsa. Bular Ikkinchi jahon urushidan beri kuzatgan eng yuqori ko‘rsatkichlar", - deya qo‘shimcha qildi Tramp.