Tramp: "AQShning NATO ittifoqchilari Ukraina uchun Amerika qurollariga pul to‘laydi"

Yangi kelishuvlarga ko‘ra, AQShning NATO ittifoqchilari Ukraina uchun Amerika qurollari uchun to‘liq haq to‘laydi.

Bu haqda AQSh prezidenti Donald Tramp NBC News telekanaliga bergan intervyusida aytib o‘tdi.

"Biz NATOga qurol jo‘natamiz va NATO bu qurollar uchun 100 foiz to‘laydi. Biz qurollar bilan quyidagilarni qilamiz – ular NATO davlatlariga jo‘natiladi, keyin esa NATO bu qurollarni Ukrainaga beradi, NATO esa bu qurollar uchun haq to‘laydi", — dedi u.

Amerika rahbarining ta’kidlashicha, Amerika qurollarini Ukrainaga yetkazib berish bo‘yicha kelishuvlar Shimoliy Atlantika ittifoqining iyun oyida bo‘lib o‘tgan sammitida erishilgan.