Tramp: "AQSh Ukrainada abadiy tinchlikni ta’minlamoqchi"

AQSh prezidenti Donald Tramp Vashington Ukrainada abadiy tinchlikni ta’minlashga intilayotganiga ishontirmoqda.

Bu haqda u Oq uyda NATO bosh kotibi Mark Ryutte bilan uchrashuvda ma’lum qilgan.

"Biz abadiy tinchlikni istaymiz" - dedi Amerika yetakchisi Ukraina atrofidagi vaziyatni sharhlar ekan.

Shu bilan birga, u Moskva ham, Kiyev ham mojaroni hal qilish imkonini beradigan parametrlarni allaqachon bilishi haqida fikr bildirdi. "Bundan tashqari, bizda har ikki tomonga ma’lum bo‘lgan ma’lum parametrlarimiz bor. Va biz nima qilish kerakligini allaqachon bilamiz", - dedi Tramp.

Uning fikricha, Rossiya va AQSh Ukraina masalasida bir necha bor kelishib olishlari mumkin edi. "Men bizda kelishuv borligini to‘rt marta his qildim. Bu Trampning urushi emas. Biz uni tugatish uchun keldik. Bunda g‘oliblar bo‘lmaydi. Bu har qanday nuqtai nazardan ham barham topadigan masala", - deya da’vo qildi AQSh prezidenti.

Uning ta’kidlashicha, Rossiya-Ukraina mojarosi uchun javobgarlik birinchi navbatda o‘zidan oldingi davlat rahbari Jo Bayden zimmasiga tushadi. "Bu Bayden va boshqalar edi. Bu juda achinarli holat", - dedi Tramp.