Joriy yilning 4 iyun kuni Toshkent shahar Sergeli tumani hududidan oqib o‘tuvchi "Salar" kanalida suv oqimining me’yoridan oshiq oqishi sababli suv toshishi hodisasi kuzatilgan. Bu haqda FVV Matbuot xizmati rasmiy ma’lumot berdi.
Suv toshishi oqibatida Junariq ko‘chasida joylashgan 7 ta uy yerto‘lasi, hovli va 3 ta ishlab chiqarish sexi hududiga suv to‘plangan.
Qayd etilishicha, voqea joyiga FVV qutqaruvchilari yetib borib, aholi xonadonlariga suv toshish holatini to‘liq to‘xtatgan.
Hozirda maxsus texnikalar va suv tortish moslamasi (motopompa)lar yordamida qoldiq suvlarni tortish ishlari amalga oshirilmoqda.
Hodisa oqibatida tan jarohati olgan va halok bo‘lganlar yo‘q. Uylarning devorlariga zarar yetmagan,- deyiladi xabarda.
Stoltenberg: “Agar Ukraina urushda yutqazsa..."
O‘g‘ri bojxonachilar 26 tonna oltin bilan qo‘lga tushdi
19 may kuni yomg‘ir yog‘ishi mumkin bo‘lgan hududlar e’lon qilindi
